Sual: Rezident müəssisə tərəfindən qeyri-rezidentə daxili bazarın araşdırılması üzrə xidmətlərin göstərilməsi ƏDV -yə cəlb edilirmi?Cavab: Vergi Məcəlləsinin 165.1.3-cü maddəsinin müddəalarına əsasən malların və Vergi Məcəlləsinin 168.1.5-ci maddəsində göstərilən xidmətlərin ixracı ƏDV-yə sıfır (0) faiz dərəcəsi ilə cəlb olunur. Bazarın araşdırılması üzrə xidmətlərin göstərilməsi Vergi Məcəlləsinin 168.1.5-ci maddəsində nəzərdə tutulmamışdır. Buna əsasən bazar araşdırmasını həyata keçirən rezident müəssisənin fəaliyyəti həyata keçirdiyi yer Azərbaycan Respublikasının ərazisi olduğundan, bu xidmətlərin göstərilməsi Vergi Məcəlləsinin 168.1.6-cı maddəsinə uyğun olaraq 18 faiz dərəcə ilə ƏDV -yə cəlb edilir.
Müəllif: Dilqəm Göyüşov / Vergilər üzrə mütəxəssis
