İcbari Sığorta Bürosu 3 il vergi ödəmədiyinə görə cərimələnib. cərimə
2018-ci il ərzində İcbari Sığorta Bürosu vergi orqanları tərəfindən əlavə sanksiyalar və bank hesablarından əlavə tutulmaların qarşısını almaq məqsədilə 2017-ci və 2018-ci illər üçün vergi orqanlarına “mənfəət vergisi” qismində cəmi 1 502 450 manat ödəyib.
2017-ci il ərzində vergi orqanları mənfəət vergisi və əvvəlki 3 il ərzində mənfəət vergisinin ödənilmədiyinə görə cərimə olaraq Büronun bank hesablarından cəmi 5 485 284 manat tutub.
Vergi qanunvericiliyinə əsasən, Büro özünü mənfəət vergisi ödəyicisi saymırdı və bu səbəbdən məsələ vergi apelyasiyası səviyyəsində həll edilmədiyi təqdirdə tutulmuş məbləği geri qaytarmaq iddiası ilə məhkəməyə müraciət etmək qərarı verib.
Mənbə: apa.az