Sığorta şirkətləri icbari sığorta ödənişinə dair Dövlət Agentliyinə hesabat verəcək
Maliyyə Bazarlarına Nəzarət Palatası “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə sığortaçı tərəfindən icbari tibbi sığorta ilə bağlı ödənilən sığorta haqlarına dair hesabat forması və onun təqdim edilməsi Qaydası”nı təsdiq edib.
Bu Qayda “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanunda nəzərdə tutulmuş sığortaçı tərəfindən icbari tibbi sığorta üzrə ödənilən sığorta haqları barədə hesabatın forması və onun təqdim edilməsi qaydasını müəyyən edir.
Teleqram kanalımıza üzv olun
Qanuna əsasən, sığortaçı Azərbaycan Respublikasında həyat sığortası sahəsi üzrə sığorta fəaliyyətini həyata keçirmək üçün lisenziyaya malik olan və İcbari Sığorta Bürosunun iştirakçısı olmaqla istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növünü aparmağa, həmçinin “Sığorta fəaliyyəti haqqında” qanun ilə müəyyən olunmuş hallarda annuitet sığortası aparmağa müvafiq icazə almış yerli hüquqi şəxsdir.
Qaydaya əsasən sığorta haqqı sığortaçılar tərəfindən aylıq olaraq hesablanmalıdır. Və hesabat ayından sonrakı ayın 20-dən gec olmayaraq icbari tibbi sığorta fonduna ödənilməlidir. Hesabat sığortaçının İdarə Heyətinin sədri və baş mühasibi tərəfindən imzalanmalıdır. Və həmin sığortaçının möhürü ilə təsdiqlənməlidir. Sığortaçı hesabatı rüblük əsasda, müvafiq rüb başa çatdıqdan 20 gün müddətində kağız və elektron daşıyıcılarda İcbari Tibbi Sığorta üzrə Dövlət Agentliyinə təqdim etməlidir.
Bu Qayda 2020-ci ilin yanvarın 1-dən qüvvəyə minir.
Mənbə: apa.az
