Sual: Müəssisəmiz 46901-ixtisaslaşdırılmamış topdansatış fəaliyyəti ilə məşğuldur. Ardıcıl olaraq 12 aylıq dövrün vergi tutulan əməliyyatların həcmi 200.000 manatdan çox olduqda 6% dərəcəsi üzrə işləyə bilərikmi və bunun üçün əlavə olaraq qeydiyyatda olduğumuz vergi orqanına məlumat verməliyikmi?
Cavab: Bildiririk ki, vergi tutulan əməliyyatlarının həcmi ardıcıl 12 aylıq dövrün istənilən ayında (aylarında) 200.000 manatdan artıq olan və ticarət fəaliyyəti ilə məşğul olan şəxslər sadələşdirilmiş vergi ödəyicisi olmaq hüquqdan istifadə etmək üçün “Ticarət və (və ya) ictimai iaşə fəaliyyəti ilə məşğul olan şəxslərin sadələşdirilmiş vergi ödəyicisi olmaq hüququndan istifadə haqqında Məlumat forması” ilə vergi orqanına müraciət edə bilərlər. Bu halda ticarət fəaliyyəti ilə məşğul olan şəxslər bu fəaliyyət üzrə sadələşdirilmiş vergini 6 faiz dərəcə ilə hesablayacaqlar.
Bax: Vergi Məcəlləsinin 218.1.2-ci və 220.1-1.1-ci maddələri.
