Onlayn kassa aparatlarının tətbiqi onlayn kassa aparatları
Sual:
Mətbuatdan tanış olduğumuz məlumata əsasən, 2019-cu ildən onlayn kassa aparatları tətbiq ediləcək. Bu doğrudurmu?
Cavab:
Vergi Məcəlləsinin 1 yanvar 2019-cu il tarixdən qüvvəyə minmiş müddəalarına əsasən, pərakəndə ticarət və (və ya) ictimai iaşə fəaliyyəti üzrə nağd pul hesablaşmalarını müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilən meyarlara cavab verən və müvafiq icra hakimiyyəti orqanın (qurumun) elektron informasiya sisteminə real vaxt rejimində qoşulmuş nəzarət-kassa aparatı vasitəsi ilə həyata keçirmək vergi ödəyicisinin vəzifəsi kimi təsbit edilmişdir.
Dəyişikliyə əsasən, 2019-cu ildən Vergilər Nazirliyinin elektron informasiya sisteminə real vaxt rejimində qoşulmuş nəzarət-kassa aparatlarının tətbiqinə mərhələli qaydada başlanacaqdır.
Əsas: Vergi Məcəlləsi, 16.1.8-ci maddə.
Mənbə: vergiler.az