Naxçıvanda Maliyyə Nazirliyi mühasibat uçotu ixtisası üzrə təhsil alan tələbələr üçün videotəlim keçib.
Tədris planına uyğun olaraq muxtar respublikanın Maliyyə Nazirliyinin əməkdaşlarının Naxçıvan Dövlət Texniki Kollecinin tələbələri ilə videogörüşü təşkil edilib.
Naxçıvan Muxtar Respublikası Maliyyə Nazirliyindən Naxçıvan bürosuna bildirilib ki, görüşdə Naxçıvan Dövlət Texniki Kollecinin mühasibat uçotu ixtisası üzrə təhsil alan üçüncü kurs tələbələri iştirak edib.
Nazirliyin baş məsləhətçi-mühasibi Məmmədnağı Əkbərov “Büdcə təşkilatlarında maliyyə hesabatlarının mühasibat uçotunun beynəlxalq standartlarına uyğun hazırlanması” mövzusunda videotəlim keçib.
Videotəlimdə mühasibat uçotunda hesab anlayışı, müxabirləşmələr, büdcə təşkilatları üçün hesablar planının tətbiqi, maliyyə hesabatlarının formaları və tərtib edilməsi barədə tələbələrə elektron materiallar əsasında ətraflı məlumat verilib.
Mənbə: azertag.az