» » » Bakıda “Nağdsız iqtisadiyyat: Dayanıqlı Bankçılığa Doğru” mövzusunda beynəlxalq forum keçiriləcək

Bakıda “Nağdsız iqtisadiyyat: Dayanıqlı Bankçılığa Doğru” mövzusunda beynəlxalq forum keçiriləcək

posted in: Xəbər | 0

Bakıda “Nağdsız iqtisadiyyat: Dayanıqlı Bankçılığa Doğru” mövzusunda beynəlxalq forum keçiriləcək

Noyabrın 6-7-də Bakıda regionun ən nüfuzlu maliyyə-bank tədbiri – IV Beynəlxalq Bankçılıq Forumu keçiriləcək.

Bu barədə “Azərbaycan Banklar Assosiasiyası” (ABA) İctimai Birliyinə istinadən xəbər verilir. Məlumata görə, tədbir “Nağdsız iqtisadiyyat: Dayanıqlı Bankçılığa Doğru” mövzusunda olacaq.

Forum “Mastercard”ın tərəfdaşlığı, ABA, Azərbaycan Mərkəzi Bankı, Maliyyə Bazarlarına Nəzarət Palatası və İqtisadi İslahatların Təhlili və Kommunikasiyası Mərkəzinin dəstəyi ilə baş tutacaq. Tədbirin məqsədi iqtisadiyyatın nağdsızlaşdırılması ilə bağlı təşəbbüslərin və qarşıdakı çağırışların, rəqəmsallaşma, maliyyə texnologiyalarına dair mövcud vəziyyət, yeni və gələcək trendlərin, müasir bank məhsullarının, komplayns sahəsindəki yeniliklər və risklərin, həmçinin sadalananların mövcud hüquqi çərçivəyə uyğunluğu və adaptasiyası imkanlarının, bu proseslərin bankların maliyyə dayanıqlığının daha da gücləndirilməsinə təsiri məsələlərinin, eləcə də digər əlaqədar mövzuların müzakirə edildiyi platforma olmaqdır.

Forum maliyyə-bank sahəsində tənzimləyici və nəzarət orqanlarının rəhbərlərini, kommersiya banklarının və maliyyə sektorunun digər iştirakçılarının yuxarı menecmentini, yerli və xarici biznes və ictimai təşkilatların rəhbərlərini, digər qərar qəbulediciləri, influenserləri, beynəlxalq maliyyə institutlarının və xarici ölkələrin Azərbaycandakı səfirliklərinin, akademik dairələrin nümayəndələrini, maliyyə və bankçılıq sahəsinə aid məhsul və xidmətlər təklif edən xarici və yerli şirkətlərdən iştirakçıların bir araya gəldiyi məkandır.

Forum çərçivəsində müxtəlif əlaqədar tədbirlərin və mitupların keçirilməsi də nəzərdə tutulur.

Mənbə: vergiler.az



Teleqram kanalımıza üzv olun


Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Dayanıqlı Bankçılığa Doğru Nağdsız iqtisadiyyat