Xidmətin adı: Yenidən təşkil nəticəsində yaradılan Kommersiya hüquqi şəxsin dövlət qeydiyyatına alınması
Xidmətin göstərilməsi üçün tələb olunanlar
– notariat qaydasında təsdiq olunmuş “ Kommersiya qurumunun dövlət qeydiyyatı haqqında ərizə”
– “Yenidən təşkil olunmuş hüquqi şəxs barədə məlumat”
– yenidən təşkil haqqında qərar
– təhvil aktı və ya bölünmə balansı
– mətbuatda müvafiq elanın dərc olunması barədə məlumat
– “Kommersiya qurumunun dövlət qeydiyyatı haqqında ərizəyə 1 nömrəli əlavə”
– təsisçi fiziki şəxsin (şəxslərin) şəxsiyyət vəsiqələrinin surəti
– “Kommersiya qurumunun dövlət qeydiyyatı haqqında ərizəyə 2 nömrəli əlavə”
– təsisçi hüquqi şəxsin (şəxslərin) dövlət qeydiyyatı haqqında şəhadətnamələrinin (dövlət reyestrindən çıxarışların) və nizamnamələrinin notariat qaydasında təsdiq olunmuş surəti
– qurumun təsisçisi (təsisçiləri) və ya səlahiyyətli nümayəndəsi tərəfindən təsdiq edilmiş nizamnaməsi 2 nüsxədə
– qurumun təsis edilməsi, nizamnaməsinin təsdiq edilməsi və idarəetmə orqanlarının formalaşdırılması haqqında qərarlar
– “Müşahidə şurasının üzvləri barədə məlumat” (müşahidə şurası seçilmişdirsə (şəxsiyyət vəsiqəsinin surətləri əlavə edilməklə))
– “Xüsusi vergi rejiminin tətbiqi barədə məlumat” (xüsusi vergi rejimi ilə fəaliyyət göstəriləcəksə)
– qanuni təmsilçinin şəxsiyyətini təsdiq edən sənədin surəti
– hüquqi ünvanını təsdiq edən sənəd
– dövlət rüsumunun ödənilməsini təsdiq edən sənəd (qəbz)
– nizamnamə kapitalına pul formasında ödənilməyən əmlakın qiymətləndirilməsi haqqında müstəqil auditor rəyi
– ərizə ilə müraciət edənin şəxsiyyət vəsiqəsi
– etibarnamə (ərizə vəkil olunan şəxs tərəfindən imzalandıqda)
– bank, sığorta, maliyyə-sənaye qrupu yaradıldıqda müvafiq orqanın ilkin razılığını təsdiq edən sənəd
– hüquqi şəxs barədə hər hansı inzibati xəta haqqında iş üzrə qərar qəbul olunub-olunmaması, qəbul olunubsa həmin qərarın tam icra edilib-edilməməsi və ya ləğv edilməsi barədə müvafiq məhkəmədən arayış
Xidmətin göstərilməsinə əsas verən normativ sənədlər
– AR VM-nin 33-34-cü maddələri
– Mülki Məcəllənin 43-113-cü maddələri
– İnzibati Xətalar Məcəlləsinin 18.8-ci maddəsi
– “Hüquqi şəxslərin dövlət qeydiyyatı və dövlət reyestri haqqında” 12.12.2003-cü il tarixli 560-IIQ nömrəli Qanun
– “Dövlət rüsumu haqqında” 04.12.2001-ci il tarixli 223-IIQ nömrəli Qanunun 20, 20-1-ci maddələri
– Vergilər nazirinin 06.02.2012-ci il tarixli 1217040100139800 nömrəli əmri ilə təsdiq edilmiş
“Vergi orqanlarında kommersiya qurumlarının dövlət qeydiyyatının aparılmasına dair Metodiki Göstəriş”
– Vergilər nazirinin 25.01.2011-ci il tarixli 1117040100157100 nömrəli, 05.03.2014-cü il tarixli 1417040100293500 nömrəli əmrləri
Xidmətin göstərildiyi yer
Ərazi prinsipi nəzərə alınmaqla Naxçıvan MR VN-nin Kommersiya hüquqi şəxslərin dövlət qeydiyyatı şöbəsi, MGD-nin Hüquqi şəxslərin dövlət qeydiyyatı idarəsi, ƏVD- nin və ƏVİ-nin inzibati binalarında yerləşən vergi ödəyicilərinə xidmət mərkəzləri (maliyyə-sənaye qrupları, banklar, investisiya fondları, sığorta və auditor təşkilatları istisna olmaqla)
Müraciəti emal edən struktur vahidi
Ərazi prinsipi nəzərə alınmaqla Naxçıvan MR VN-nin Kommersiya hüquqi şəxslərin dövlət qeydiyyatı şöbəsi, MGD-nin Hüquqi şəxslərin dövlət qeydiyyatı idarəsi (ƏVD-nin və ƏVİ-nin ərazisində olan maliyyə-sənaye qrupları, banklar, investisiya fondları, sığorta və auditor təşkilatları daxil olmaqla), ƏVD-nin və ƏVİ-nin Vergi ödəyicilərinə xidmət və şəffaf vergi partnyorluğu idarələrinin/şöbələrinin Qeydiyyat və uçot şöbələri/bölmələri (maliyyə-sənaye qrupları, banklar, investisiya fondları, sığorta və auditor təşkilatları istisna olmaqla)
İcra müddəti
Sənədlər daxil olduğu gündən sonra 2 iş günü
Xidmətin nəticəsində təqdim edilən sənədlər
– Kommersiya qurumunun dövlət qeydiyyatı haqqında şəhadətnamə
– nizamnamənin bir nüsxəsi
– Kommersiya qurumunun dövlət reyestrindən çıxarış
Mənbə: taxes.gov.az