Sual: İstehsalatda baş vermiş bədbəxt hadisə ilə bağlı hansı quruma məlumat verilməlidir və bu hal hansı formada rəsmiləşdirilir?
Cavab: İstehsalatda baş verən bədbəxt hadisə (bundan sonra İBH) barədə işin aparılması üçün xronoloji ardıcıllıq aşağıdakı kimidir:
-İBH baş verirsə DƏMX müəssisə məlumat verməlidir (DƏMX bununla bağlı digər istiqamətlərdən də məlumat daxil ola bilir);
-DƏMX məlumat daxil olan kimi xidmətin rəisi tərəfindən “Təhqiqat Komissiyası” yaradılır (Komissiyanın tərkibinə DƏMX, Müəssisənin, əgər müəssisədə Həmkarlar İttifaqı varsa onun üzvünün və digər nümayəndələrdən ibarət ola bilər);
-Komissiya tərəfindən İBH təsdiqlənərsə araşdırmanın sonunda “Təhqiqat Aktı” tutulur və o aktın sonunda müəssisəyə İstehsalat zədəsi ilə bağlı (bundan sonra-İZ aktı) tərtib etmək tapşırılır.
Bu akt 3 nüsxədən artıq olmaqla tərtib edilir və 1-i DƏMX, 1-i Vətəndaşda , 1-i isə Müəssisədə və s. olmaqla aidiyyəti üzrə təqdim edilir;
-Elektron hökumət portalında DƏMX-tərəfindən “İstehsalatda baş verən bədbəxt hadisə barədə aidiyyəti dövlət strukturuna məlumatların verilməsi” bölməsinə daxil olub İBH ilə bağlı məlumatları altsistemə daxil edilir və bu məlumatlar TSEK ötürülür;
-TSEK tərəfindən müraciət etmiş vətəndaşın peşə əmək qabiliyyətinin itirilmə faizinin müəyyən edilməsi və əlavə olaraq vətəndaşın əlilliyinin müəyyən edilməsi təmin edilir;
-TSEK tərəfindən istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi faizi müəyyən edildikdən sonra vətəndaş tərəfindən sığorta ödənişinin əldə edilməsi üçün Sığorta bürosuna müraciət edilir;
-Müəssisə tərəfindən Sığorta bürosuna 3 gün ərzində işdə xəsarətlə bağlı məlumat verməlidir;
-İBH və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqının ödənilməsi üçün Sığorta bürosunun sorğusu əsasında DƏMX tərəfindən sənədlərin onlara təqdim edilməsi təmin edilir.
Mənbə: İstehsalatda baş verən bədbəxt hadisələrin təhqiqi və uçota alınması Qaydalarının təsdiq edilməsi haqqında AZƏRBAYCAN RESPUBLİKASI NAZİRLƏR KABİNETİNİN QƏRARI Bakı şəhəri, 28 fevral 2000-ci il № 27 http://e-qanun.az/framework/232
Mənbə: social.gov.az