Tarixin ən acgöz milyarderi – Getti Grinin ibrətamiz taleyi (3-cü hissə)
Henriyetta Houlend Robinson uşaqlıqdan maliyyədən yaxşı baş çıxarırdı və artıq 13 yaşında mühasib olaraq çalışırdı. 30 ildən sonra isə o, artıq ABŞ-ın ən varlı qadını idi. Və dünyabın ən xəsis insanı adını qazanmışdı.
1916-cı ildə o, vəfat etdi, onun uşaqlarına yüz milyonlarla dollar miras qaldı. Və həmin vəsaitlərlə onlar öz analarının əmrlərinə zidd olaraq davrandılar.
Yeri gəlmişkən, Grin heç də həmişə bu cür xəsis olmamışdı. 1907-ci ildə bank panikası zamanı ağır vəziyyətə düşən adamlara və Nyu-Yorkdakı şirkətlərə böyük məbləğdə borc vermişdi. Oğlu Edvard deyirdi ki, anası müntəzəm olaraq xeyriyyə məqsədləri üçün 500 dollardan, 10 min dollara kimi vəsaitlər yönəldirdi, 30 yaxın ailə isə ondan müntəzəm gəlir alırdı.
İrsi xəsislik
Henriyetta Grinin bu dərəcədə inanılmaz xəsisliyinin səbəbləri onun tərbiyəsində və ailəsində axtarmaq lazımdır. İş ondadır ki, onun babası və atası kvakerlər olublar. Bu, XIX əsrdə geniş yayılmış dini protestant qrupu idi. Kvakerlərin əsas vəsiyyətləri qənaətlilik, məişətdə qərəzsizlik və özünütəsdiqetmə idi. Milyoner Frin isə bu vəsiyyətləri ifrat dərəcədə yerinə yetirirdi. Dünyanın ən varlı eyni zamanda ən xəsis qadını deyirdi ki, “sentə qənaət edirsənsə – deməli, onu qazanmış olursan”. Bundan əlavə, Getti Grin diqqətəlayiq maliyyə kredosuna malik idi. “Həmişə ucuz alıb, baha satmaq lazımdır və bunu üç sadə şeyə əməl etməklə nail olmaq mümkündür – inadkarlıq, bəsirət və qənaətcilliklə”, – kredo belə səslənirdi. Bütün bunlar Henriyetta Grinə böyük sərvət toplamaqda kömək etmişdi. İndiki qiymətlərlə həmin sərvət üç-dörd milyard dollar təşkil edərdi. Bütün həyatı boyu Getti Grin bu pulların yalnız 10-20 faizini məsrəf etmişdi ki, bu da ona dünyanın ən xəsis adamı ləqəbini qazandırmışdı.
Getti Grinin uşaları – Ned və Silviya analarından özlərinə qalan mirası nəhayət ki, xərcləməyə imkan tapdılar. Ned dərhal özünə bahalı avtomobil aldı, yerdə qalan pulları isə bir neçə il ərzində xərclədi. Silviya isə özünü xeyriyyəçiliyə həsr etmişdi. O, dünyada olan kasıb insanlara yardım edirdi.
Teleqram qrupumuza üzv olun
