Gəlirli startapı necə təsis etməli (1-ci hissə)
Biznesə yeni başlayan sahibkarlardan ötrü 5 addımdan ibarət təlimat
Startapa necə başlamalı?
Tez sıradan çıxan və uğurlu məhsul yarada bilməyən şirkətlərə heç kim ömrünün aylarını və illərini həsr etməyi planlaşdırmır. Və bütün hallarda startapların 90% -i sıradan çıxır.
Müvəffəqiyyətli şirkətləri işə salmış təcrübəli sahibkarlara nələr məlumdur, uğursuz layihələrin təsisçiləri nədən xəbərsizdirlər?
“30-dan 30-a” Forbes reytinqinin iştirakçısı Hamfri, uğurlu strartap qurmağa necə düzgün başlamaqla bağlı fikirlərini bölüşür. Tilda Publishing sahibkarlardan ötrü onun praktiki məsləhətlərini tərcümə dərc edib.
Məzmun
- Yaxşı başlanğıc niyə çox mühümdür
- Sizin startapın mahiyyəti nədən ibarətdir
- Problemlər = imkanlar
- Bazara çıxırıq
- Minimum həll
- Gəliri proqnozlaşdırırıq
Startapı lap əvvəldən yaxşı başlamaq niyə əhəmiyyətlidir?
4 startapdan 3-nün uğursuz olma səbəbləri fərqlidir, lakin, çox vaxt buna aşağıdakı səbəblər gətirib çıxarır:
- Şirkət mövcud olmayan bazar üçün məhsul hazırlayır (tələbat yetərli deyil).
- Menecerlər pul axınını idarə edə bilmirlər, məsələn, gəlir əldə etmək üçün işləməyən modeldən istifadə edirlər
- Şirkət bazardakı dəyişikliklərə uyğunlaşmır
- Layihə kifayət qədər sürətlə böyümür
- Təsisçi işdə uğursuzluğa düçar olur
Burada müzakirə ediləsi çox şey var, lakin, maraqlı fakt – startap yaradılarkən, ona lap başlanğıcda lazımi diqqətin yetirilməməsidir
Appster agentliyində çoxlu sayda startaplarla işlədikdən sonra Cosayya Hamfri və komandası istənilən startapın müvəffəqiyyətinin hər hansı bir şirkət qurmazdan əvvəl cavablandırılması lazım olan beş əsas sualdan asılı olduğunu gördü:
- Sizin şirkətin fəaliyyətinin konkret istiqaməti nədir?
- Siz məhz, hansı problemi həll etməyə çalışırsınız?
- Siz hansı bazara çıxmaq istəyirsiniz?
- Problemin həlli üçün siz hansı məhsulu təklif edəcəksiniz?
- Biznes modelinizin hansı iqtisadi hesablaması var ?
İlk hərəkətlərinizdən şirkətinizin milyonlarla dollar dəyərində olub-olmaması asılı ola bilər və ya siz də heç kimin xtırlamadığı 90 faiz startaplardan birinə çevrilə bilərsiniz.