Sual: Mən orta məktəbdə işləyirəm. Şəhid övladıyam. Gəlir vergisində mənim üçün güzəşt nəzərdə tutulubmu? gəlir vergisi güzəştlər
Cavab: Vergi Məcəlləsinin 102.2.5-ci maddəsinə görə, həlak olmuş, yaxud sonralar vəfat etmiş döyüşçülərin dul arvadlarının (ərlərinin) və övladlarının muzdlu işdən vergi tutulmalı olan aylıq gəliri 400 manat məbləğində azaldılır.
Maddədə qeyd olunanlara əsasən, siz aşağıda qeyd olunan sənədlərdən birini və doğum haqqında şəhadətnaməni təqdim etməklə müvafiq güzəştdən istifadə edə bilərsiniz:
- AR Səfərbərlik və Hərbi Xidmətə Çağırış üzrə Dövlət Xidmətinin vəsiqəsi;
- Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun şəhər, rayon şöbəsinin arayışı;
- Azərbaycan Respublikası Müdafiə Nazirliyinin, Ədliyyə Nazirliyinin, Daxili İşlər Nazirliyinin, Naxçıvan Muxtar Respublikası Ədliyyə Nazirliyinin, Dövlət Sərhəd Xidmətinin, Azərbaycan Respublikasının Dövlət Təhlükəsizliyi Xidmətinin, Azərbaycan Respublikası Xarici Kəşfiyyat Xidmətinin arayışları.
Mənbə: vergiler.az