Dünya ölkələrində bir sıra vergi növləri tətbiq edilir. Onlardan biri də mənfəətdən tutulan vergidir. Bəs ən çox mənfəət vergisi hansı ölkələrdə tutulur?
Proqressiv vergi dərəcəsi tətbiq edilən ölkələrdə maksimal vergi dərəcəsindən istifadə olunur. Gəlirlər artıqca vergi ödəməsinin də yüksəldiyini nəzərdə tutan proqressiv vergi dərəcəsi, sosial ədalət nöqteyi-nəzərincə həyata vəsiqə hüququ qazanıb, belə ki, bu vergi növü cəmiyyətin təbəqələşməsinin qarşısını alır. Digər tərəfdən, yüksək əmək haqqı alan əməkdaşlardan yüksək dərəcəli vergilərin tutulması, ya onların daha aşağı vergilər tətbiq edilən ölkələrə miqrasiya etməsinə, ya da vergidən yayınmasına gətirib çıxarır – “boz” və “qara” maaş cədvəllərinə yol açır.
Mənfəətdən ən yüksək vergi İsveçdə – 56,4% tutulur. Beləliklə, bu ölkə reytinqdə birinci yeri tutur. Yeri gəlmişkən, mənfəətdən verginin bu həddə olması, son illərdə bazarda daha çox tələbat duyulan və yüksək əməkhaqqı alan peşə sahiblərinin ölkədən axınına gətirib çıxarıb. Reytinqdə ikinci pilləni 53,7 % lə Belçika tutur. Üçüncü yerdə 52 % lə Niderland qərarlaşıb, sonrakı pillələri Danimarka (51,5%) və Avstriya (50%) tutur. Böyük Britaniyada da 50 faizlik mənfəət vergisi tətbiq olunur. Rusiya 13 faizlik mənfəət vergisi ilə 34-cü yerdədir. Belorusiyada 12 faizlik mənfəət vergisi nəzərdə tutulub. Bolqarıstan və Qazaxıstanda isə ən aşağı, 10 faizlik mənfəət vergisi tətbiq olunur.
