Effektiv kollektiv necə toplanmalı?
2-ci hissə
Məqalənin 1-ci hissəsini buradan oxuya bilərsiniz.
İstənilən problemi həll edə biləcək “vahid işçi kollektiv”in yaradılması prosesində “cəhənnəmin” bir neçə dairəsindən keçmək lazım gəlir. Müsahibələrin səmərəliliyini artırmaq və “lazımsız” adamları tez bir zamanda seyrəltmək üçün minimum resurs və vaxt sərf etməyə çalışın.
Beləliklə, namizəd bütün yoxlamalardan keçdi və işə başladı. Əgər o, ağıl və məsuliyyət göstərirsə, amma, işlər hələ də qaydasında getməzsə, onun qabiliyyətlərinə daha uyğun olan digər vəzifələri tapmağa çalışın. Əgər işçi öz vəzifələrinin öhdəsindən açıq-aydın gəlmirsə, onu maksimum sürətlə işdən çıxarın. Əlbəttə ki, həmişə insana ikinci şans da vermək olar, amma təcrübə göstərir ki, demək olar ki, heç kim ondan istifadə etmir.
Belə diqqətli seçim etməklə siz şirkətə yalnız düzgün insanları gətirmək üçün zəmanət verəcəksiniz və sürətli işdən çıxarılma “uyğun olmayan” əməkdaşın biznesinizə zərər vurmasına imkan verməyəcək.
İndi isə sizə müəyyən sualları təqdim edəcəyik. Həmin sualların vasitəsilə şəxsin “sizin” namizəd olub-olmadığını müəyyən edə biləcəksiniz:
- Namizədin lazımi ixtisası və təcrübəsi varmı?
- O, ağıllıdırmı?
- O, hər şeylə maraqlanan və enerjili biridirmi?
- İşlədiyi sahə onun xoşuna gəlirmi?
- Mən onunla bir komandada işləmək istəyirəmmi?
- Mən onu idarə edə biləcəyəmi?
- Onun təcrübəsinə görə istədiyi qədər ödəməyə hazırammı?
- Həqiqətənmi, o götürdüyüm işdə maraqlıdır?
Teleqram qrupumuza üzv olun
