2020-ci il üçün dünyanın ən bahalı valyutalarının top onluğu
Birinci hissə
Necə düşünürsünüz, indiki gün üçün dünyanın ən bahalı valyutası hansıdır?
Böyük əksəriyyət Britaniya funtunun ən bahalı valyuta olduğunu güman edir, lakin, bu heç də belə deyilmiş.
Xüsusi olaraq oxucular üçün hazırlanmış dünyanın ən güclü valyutalarının siyahısını (2020-ci ilin sentyabr ayı üçün) təqdim edirik.
Beləliklə, dünyanın ən bahalı valyutası…
1- Küveyt Dinarı (Kuwait Dinar) ($3,24)
Valyuta kodu – KWD.
Küveyt dinarının kursu:
1 KWD = 3.24 USD (küveyt dinarının dollara nisbəti)
Kveyt dinarının bahalığının səbəbi nədir?
Küveyt – böyük sərvətlərə malik kiçik ölkədir. Sözügedən ölkə valyutasının dəyərinin bu cür yüksək olması, bu dövlətin dünya bazarına əhəmiyyətli həcmdə neft məhsulları ixrac etməsi ilə bağlıdır.
Sabit iqtisadiyyat, yüksək inkişaf etmiş neft istehsalı və ixrac sənayesi sayəsində Küveyt dünyanın ən zəngin ölkələrindən biri hesab olunur. Ölkənin gəlirlərinin 80% – dən çoxu məhz neft sənayesindən gəlir, çünki burada qara qızıl hasilatı digər ölkələrlə müqayisədə ən yüngül və müvafiq olaraq ən ucuz istehsal hesab olunur.
2003-cü ilə qədər Küveyt dinarı dollara bağlı idi, amma, 2007-ci ildən hökumət dinarı multivalyuta zənbilinə bağlmaq barədə qərar verdi.
Olduqca stabil iqtisadiyyatdan başqa, Küveyt – demək olar ki, heç bir verginin olmadığı və işsizliyin çox aşağı səviyyədə olduğu bir ölkədir.
2 – Bəhreyn dinarı (Bahrain Dinar) (($2.66)
Valyuta kodu – BHD.
Bəhreyn dinarının kursu:
1 BHD = 2.66 USD (bəhreyn dinarının dollara nisbəti).
Bəhreyn dinarı – dünyanın ikinci ən bahalı valyutasıdır.
Bəhreyn – əhalisi 1 milyondan bir qədər çox olan və Fars körfəzində yerləşən ada dövlətdir. Birinci halda olduğu kimi, bu ölkənin də gəlirlərinin əsas hissəsi qara qızıl ixracından ibarətdir.
Maraqlıdır ki, Bəhreyn dinarının kursu dollara bağlıdır və artıq 14 il ərzində onun dollara nisbətində dəyəri dəyişilməz olaraq qalmaqdadır.
Məqalənin 2-ci hissəsini buradan oxuya bilərsiniz
Teleqram qrupumuza üzv olun
