» » » Dünya bank sistemi dağılmaq təhlükəsi altındadır

Dünya bank sistemi dağılmaq təhlükəsi altındadır

posted in: Xəbər | 0
birbank biznes

Dünya bank sistemiRəqəmsal valyutaların tətbiqi dünya bank sisteminə ciddi təsir göstərə bilər və onu məhv etmək təhlükəsi altına qoyur. Bu haqda analitiklərə istinadən CNBC xəbər verib.

Bir çox ölkələrin Mərkəzi bankları rəqəmsal pullara getdikcə daha çox maraq göstərməyə başlayıblar, lakin, bu planlar “faktiki olaraq maliyyə sistemini məhv edə bilər”. Ekspertlər qeyd edirlər ki, ənənəvi banklar və fintech startapları müştərilərin depozitlərini itirmək riski ilə üzləşirlər, həmçinin rəqəmsal valyutalardan istifadə edərkən məxfiliklə bağlı problem də ortaya çıxa bilər.

Morgan Stanley bankının hesabatında, dünyanın Mərkəzi banklarının 86 faizinin rəqəmsal valyutaları öyrəndiyi bildirilir. Mərkəzi bankların təxminən 60 faizi konsepsiyanın yoxlanması üzərində işləyir, lakin yalnız 14 faizi pilot proqramını işə salıb və ya onun hazırlanması mərhələsindədir.

Aprel ayında Rusiya Mərkəzi bankı rəqəmsal valyutanın tətbiqi planını təqdim edib. Rəqəmsal rubl banklarda açılmış xüsusi pul kisələrində saxlanılacaq, həm fiziki, həm də hüquqi şəxslər onlara sahib ola biləcəklər. Prototip gələn il testdən keçiriləcək.

Bir neçə ölkənin oxşar planları var. Məsələn, Böyük Britaniya öz rəqəmsal valyutasını buraxmaq istəyir: Böyük Britaniya Xəzinədarlığı və İngiltərə Bankı məsələni öyrənmək üçün işçi qrupu yaradıblar. Çin bu sahədə hamıdan fəal işləyir. Pekində vətəndaşların rəqəmsal yuanın xeyrinə ənənəvi pullardan müvəqqəti imtina etmələri üçün onlara eksperiment kimi müəyyən məbləğdə pul da ödəyiblər.


Teleqram qrupumuza üzv olun



Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun