Blog Full

Nazirlər Kabinetinin təsdiqlədiyi “Vergi ödəyicilərində nağd pul vəsaitinin uçotu və kassa əməliyyatlarının aparılması qaydası” ilə bağlı sual doğuran məsələləri iqtisadçı ekspert Anar Bayramov şərh edir.

Qaydanın 2.1-ci maddəsində qeyd edilir ki, bank hesabından çıxarılan pul vəsaitinin təyinatı nağd pulun alınmasında istifadə edilən çek kitabçasında, habelə bankın məxaric orderində göstərilən təyinatlar (mal və xidmətlərin alınması üçün, əməkhaqqı və ona bərabər tutulan ödənişlər üçün və digər) üzrə müəyyən edilir.

Qaydaya əsasən, vergi ödəyicisi bank hesabından əməkhaqqı təyinatı ilə çıxardığı vəsaiti təsərrüfat xərcləri üçün istifadə etməməlidir.

Qaydanın 2.4-cü maddəsində qeyd edilir ki, pul vəsaiti vergi ödəyicisinin səlahiyyət verdiyi şəxs və ya fərdi sahibkarın özü tərəfindən bank hesabından nağd qaydada çıxarıldığı halda, pul vəsaitləri həmin gün ərzində vergi ödəyicisi tərəfindən kassa mədaxil orderi tərtib olunmaqla kassaya mədaxil edilir. Kassa mədaxil orderində əks etdirilən bank hesabından nağd çıxarılmış pul vəsaitinin məbləği pulun alınmasında istifadə edilən çekin kötüyündə və bank hesabının çıxarışında göstərilən məbləğlə uyğun olmalıdır.

Göründüyü kimi, vergi ödəyicisinin mütləq əməl etməli olduğu konkret tələblər mövcuddur.

Birinci tələb ondan ibarətdir ki, vergi ödəyicisi bankdan çıxardığı vəsaiti həmin gün də kassaya mədaxil etməlidir.

Misal 1: Vergi ödəyicisi 18 yanvar 2021-ci il tarixdə bank hesabından çıxardığı 15.000 vəsaiti 19 yanvar 2021-ci il tarixdə kassaya mədaxil edib. Vergi ödəyicisinin vəsaiti həmin gün yox, növbəti gün kassaya mədaxil etməsi uçot qaydalarının pozulması kimi qəbul edilə bilər. Bu zaman vergi orqanının Vergi Məcəlləsinin 58.8-ci maddəsinə əsasən, maliyyə sanksiyası tətbiq etmək hüququ var.

İkinci tələb ondan ibarətdir ki, bank hesabından çıxarılan vəsait kassaya kassa mədaxil orderində qeyd edilməklə mədaxil edilməlidir. Yəni vergi ödəyicisi bank hesabından çıxarılan vəsaitin birbaşa təhtəlhesab şəxsdə qalmaqla, xərclənməsinə qərar verə bilməz.

Misal 2: Vergi ödəyicisi bankdan təsərrüfat xərcləri üçün 3.000 manat çıxartmağa qərar verir. Bu halda vergi ödəyicisi həmin vəsaiti mütləq kassaya mədaxil etməli, sonra isə kassa məxaric orderi ilə təhtəlhesab şəxsə ödəniş etməlidir. Bank hesabından çıxarılan vəsaitin qeyd edilən qaydada həyata keçirilməməsi uçot qaydalarına ziddir.

Üçüncü tələb odur ki, bank hesabından çıxarılmış nağd pul vəsaitinin məbləği pulun alınmasında istifadə edilən çekin kötüyündə və ya bank hesabından çıxarışda göstərilən məbləğə uyğun olmalıdır.

Misal 3: Vergi ödəyicisinin çekinin kötüyündə 4.000 manat yazılıb, ancaq bank hesabından həmin məbləğdən fərqli vəsait çıxarılıb. Bu, vergi ödəyicisi tərəfindən uçot qaydalarının pozulmasıdır.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Böyük Britaniya öz rəqəmsal valyutasını buraxmaq istəyir: Böyük Britaniya Xəzinədarlığı və İngiltərə bankı məsələni öyrənmək üçün işçi qrupu yaradıb. CNBC-nin xəbər verdyinə görə, əgər rəqəmsal valyuta istifadə üçün buraxılarsa, o, nağd pulları əvəz etməyəcək, yalnız həmin pulları tamamlayacaq.

“Biz Mərkəzi bankın potensial rəqəmsal valyutası üzrə tədqiqat işlərini əlaqələndirmək üçün Xəzinədarlıq və İngiltərə Bankı arasında yeni bir işçi qrupu işə salırıq”, – Böyük Britaniyanın maliyyə naziri Rişi Sunak belə söyləyib. Rəqəmsal funtun tətbiqi barədə qərar hələ qəbul edilməyib: indi səlahiyyətlilər istifadə variantlarını və mümkün riskləri araşdıracaqlar.

Hazırda rəqəmsal valyutaların hazırlanması üzərində bir neçə ölkə, o cümlədən İsveç, Fransa, Rusiya və başqaları məşğul olurlar. Bu sahədə hazırlıq işlərinə bitkoinin böyüməsi və ümumiyyətlə, nağd pul istifadəsindən imtina meyli ilə yeni bir təkan verilib.

İndi Çin bunu ən fəal şəkildə həyata keçirir. Pekində, rəqəmsal yuanın xeyrinə ənənəvi pullardan müvəqqəti imtina etmələri üçün vətəndaşlara ödəniş edilməsi lazım olan bir təcrübə elan ediblər.

Bundan əvvəl məlum olmuşdu ki, ÇXR hökuməti buraxılacaq rəqəmsal yuanın konkret bir müddət üçün dövriyyəsini planlaşdırır. Güman edilir ki, bu vətəndaşları həmin pullarla tez bir şəkildə vidalaşmağa və onları iqtisadiyyatın naminə daha aktiv istifadə etmələrindən ötrü Çin Xalq bankına zəruri hallarda elektron pulları müəyyən vaxtdan sonra “dayandırmaqda” kömək edəcək.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Gəlirli startapı necə təsis etməli (7-ci hissə)

Biznesə yeni başlayan sahibkarlardan ötrü 5 addımdan ibarət təlimat   

Minimal həll

Problemin həlli üçün hansı minimum funksiyalar dəsti tələb olunur?

İkinci və üçüncü mərhələni tamamlayaraq, siz artıq məhsulun monetizasiyası haqqında əsas faktların toplusuna sahibsiniz və xarici görünüş və funksiyaların dəsti haqqında müəyyən təsəvvürə maliksiniz. Növbəti addım – bu, insanların ödəməyə hazır olduqları əsas funksiyaların minimum dəstini yaratmaqdır.

Startapın işə salınmasına hazırlığın bu mərhələsində əsas diqqəti ümumi qərara ayırın, funksiyaların, dizaynın və inkişafın təkmilləşdirilməsi ilə isə daha sonra məşğul olmaq olar.

Məqalənin 6-cı hissəsini buradan oxuya bilərsiniz

Minimum funksiyalar dəsti ilə hər hansı bir şəraitə uyğunlaşa bilərsiniz. Funksiyalar nə qədər az  dəyişdirilərsə, təklifin sadəliyi müştərinin daha çox xoşuna gələcək.

Göründüyü kimi, mükəmməllik, əlavə etmək üçün nəsə olmadıqda deyil, nəyi isə ondan artıq qoparmaq mümkün olmadıqda, əldə olunur.

Antuan de Sent Ekzüperi, yazıçı və hərbi təyyarəçi 

Funksiyaların minimal dəstini necə müəyyən etməli?

• Hipotez işləyib hazırlayın. Bunun üçün fokus-qruplarda sorğuların nəticələrini təhlil edin. Birbaşa soruşun: həll olunmalı problem nədir? Bu informasiyanı sadələşdirin və çıxışda siz sadə funksiyalar dəstini əldə etmiş olacaqsınız.
• Potensial müştərilər qrupu yaradın. Onları əvvəllər e-poçtlarınıza cavab verən və müştəriniz ola biləcək insanlar arasından tapın, adlarını siyahıya salın.
• Məhsulunuza vizual forma verin. Məhsul haqqında yaxşı bir fikir yaratmağa kömək edəcək bir neçə maket çəkin. Bunu Balsamiq Mockups və Lucidchart pulsuz proqramlarında etmək olar.
• 5000 rublluq test. İstehlakçılara maketi göstərin və əgər onlar istifadə etməyə hazır deyilsə, son məhsula əlavə etməyi planlaşdırdığınız bütün xüsusiyyətləri qeyd edin və aşağıdakı sualları verin: “Bir və ya daha çox funksiyaya sərmayə qoymaq üçün yalnız 5000 rublunuz varsa, bu pulları nə üçün sərf edərdiniz?” Müştərilər onlar üçün həqiqətən vacib olan xüsusiyyətləri seçəcəklər.
• Məhsulunuza olan tələbatı dəqiqləşdirin və yoxlayın. Belə bir sual verib tələbatı və qiyməti test edin: “Sizin fikrinizcə, məhsul üçün hansı qiymət daha qəbulolunandır?” “Məhsuldan istifadəyə görə birdəfəlik ödəniş etməyi və ya aylıq abunəçi kimi ödəməyi üstün tutursunuz?”

Xoş, lakin əhəmiyyətsiz xüsusiyyətləri əlavə edərək, məhsulun təkmilləşdirilməsinə vaxt, enerji və pulunuzu israf etməyin.

Məqalənin 8-ci hissəsini buradan oxuya bilərsiniz

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun