You can display the Full post on your Blog Page
Məşğulluq hesabatlarının doldurulma qaydası
Bildiyimiz kimi, Məşğulluq hesabatlarının verilməməsinə görə cərimələr 10 dəfə artırılıb. Cərimələrin artırılması ilə bağlı Azərbaycan Respublikasının İnzibati Xətalar Məcəlləsində dəyişiklik edilib.
Məşğulluq hesabatlarının doldurulma qaydasını sizə təqdim edirik.
Qayda ilə tanış olmaq üçün faylı yükləyin.
Güzəştlərdən yararlananlar üçün muzdlu işlə əlaqədar ödəmə mənbəyində tutulan vergi
Vergi Məcəlləsinə əsasən, qeyri-neft sektorunda ödənilən əməkhaqqı məbləği 8.000 manatdan az olan işçilər gəlir vergisindən azad edilib. Həmin şəxslər, əsasən, mənfəət vergisi ödəyicisi olan müəssisələrdə çalışırlar. İşçilərə verilən güzəşti əsas gətirən bu müəssisələr ödəmə mənbəyində vergi tutmadıqları üçün Vergi Məcəlləsinin 150.3.3.3-cu maddəsinə görə muzdlu işlə əlaqədar ödəmə mənbəyində tutulan vergi mükəlləfiyyətinin ləğv edilib-edilməməsini dəqiqləşdirmək istəyirlər.
Məsələyə aydınlıq gətirən Vergilər Nazirliyinin şərhində bildirilir ki, Vergi Məcəlləsinin 1 yanvar 2019-cu il tarixdən qüvvədə olan müddəalarına əsasən, neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində işləyən fiziki şəxslərin muzdlu işdən aylıq gəlirlərindən gəlir vergisi 7 il müddətinə güzəştli dərəcələrlə hesablanır. Məqsəd ölkədə əmək münasibətlərinin rəsmiləşdirilməsi, əmək haqlarının leqallaşdırılması və vergi ödəyicilərinin gəlir və xərclərinin şəffaf uçotuna nail olmaqdır.
Qeyd edilənlərə əsasən, muzdlu işçisi olan hər bir vergi ödəyicisi Vergi Məcəlləsi ilə müəyyən edilmiş müddətdə və qaydada vergi orqanına muzdlu işlə əlaqədar ödəmə mənbəyində tutulan vergi bəyannaməsini təqdim etməlidir. Əlavə dəyər vergisinin və sadələşdirilmiş verginin ödəyicisi olmayan vergi ödəyiciləri tərəfindən muzdlu işlə əlaqədar ödəmə mənbəyində tutulan vergi bəyannaməsi təqdim edilərkən “Vergi ödəyicisinin fəaliyyət sahəsinə görə qrupu” adlı sətrində və “Verginin hesablanması” adlanan bölmələrdə “Vergi Məcəlləsinin 101.1-1-ci maddəsinə əsasən neft-qaz sahəsində fəaliyyəti olmayan, qeyri-dövlət sektoruna aid edilən vergi ödəyiciləri üzrə” işarələnməlidir.
Qeyd edək ki, “Muzdlu işlə əlaqədar ödəmə mənbəyində tutulan vergi bəyannaməsi”nin tərtib edilməsi qaydası ilə Vergilər Nazirliyinin rəsmi səhifəsində “Bəyannamə” bölməsində tanış olmaq mümkündür. Aşağıdakı linkdən istifadə edə bilərsiz:
Mənbə: vergiler.az
Vakansiya: Baş Mühasib / İşəgötürən: My Food LLC
Əmək Haqqı: 1500 – 2000 AZN
Ümumi məlumat
İş saatı : Həftədə 5 gün 09:00-18:00
Əmək haqqı: 1500-2000 AZN
Zəhmət olmasa CV-lərinizi hr@myfood.com.az / info@finstaff.az e-mail adresinə göndərin.
CV-ləri göndərərkən başlıq yerinə “Baş Mühasib” qeyd etməyi unutmayın.
Sual: Müəssisəmiz gəlir və xərclərinin uçotunu kassa metodu ilə apardığı halda gəlirin əldə edilməsi və xərcin çəkilməsi vaxtı nə vaxt hesab olunur?
Cavab: Vergi Məcəlləsinin (VM) 104.1-ci maddəsinə əsasən rezident müəssisə üçün vergitutma obyekti onun mənfəətidir. Vergi ödəyicisinin bütün gəlirləri (vergidən azad edilən gəlirdən başqa) ilə bu Məcəllənin X fəslində göstərilən, gəlirdən çıxılan xərc arasındakı fərq mənfəətdir. Vergi ödəyicisinin nağd pul vəsaitini aldığı, nağdsız ödəmədə isə pul vəsaitinin bankda onun hesabına və ya sərəncamçısı ola biləcəyi hesaba, yaxud göstərilən vəsaiti almaq hüququna malik olacağı hesaba daxil olduğu vaxt gəlirin əldə edildiyi vaxt sayılır (VM, maddə 132.1).
Vergi ödəyicisi pul vəsaitini ödəyirsə, nağd pul vəsaitinin ödənildiyi, nağdsız ödəmədə isə vergi ödəyicisinin pul vəsaitinin köçürülməsi haqqındakı tapşırığının bank tərəfindən alındığı vaxt xərcin çəkildiyi vaxt sayılır (VM, maddə 133). Qeyd olunan müddəalara əsasən: Gəlir və xərclərinin uçotunu kassa metodu ilə aparan müəssisə tərəfindən hesabat ili ərzində əldə etdiyi gəlirdən həmin hesabat ilində çəkilən və gəlirin əldə edilməsi ilə bağlı olan xərclər çıxıldıqdan sonra qalan məbləğdən mənfəət vergisi hesablanıb dövlət büdcəsinə ödənilir.
Samirə Musayeva
Vergilər Nazirliyinin Vergi siyasəti departamentinin baş direktoru
Mənbə: vergiler.az
