Bernardo Proventsano – Mühasib
Siciliya mafiyasının bossu, Korleone klanının başçısı Bernardo Proventsano, Sicilayının kiçik kəndi Korleonedə yoxsul kəndli ailəsində anadan olub. Gəncliyində, o, Korleone klanına daxil olub. Bu klanın bölmə rəhbəri Luçano Luidcio deyirdi ki, Bernardo “mələk kimi atəş açır, amma, cücə kimi düşünür”.
Mafiyanın xaç atasını həmkarları Vəhşi, Mühasib və Buldozer ləqəbləri ilə çağıırdılar – sonuncu ləqəbi, o, barışmazlığına və inadkarlığına görə almışdı. Həmçinin belə bir fikir də vardır ki, Bernardo son ləqəbinə adamları güllə ilə biçib-tökdüyünə görə qazanmışdı. Bütün bunlara baxmayaraq, o özündə həm də yaxşı rəhbər kimi bir keyfiyyəti də qoruyub saxlaya bilmişdi. Özünün yüksəliş zirvəsində olduğu zaman Proventsano Palermodakı bütün qeyri-qanuni biznes üzərində hakimiyyəti – ticarət, silah və narkotik vasitələr alveri, qumar oyunları evləri – ələ keçirmişdi.
Proventsanonun karyera yüksəlişi 1958-ci ildə – öz rəqibi Luicio Mikele Navarranın öldürülməsindən sonra başlamışdı. Sonrakı on il ərzində Proventsano onlarla cinayətdə və qətllərdə iştirakçı olmuşdu. Ötən əsrin 80-ci illərində koza nostra tam şəkildə Proventsano və onun silahdaşı Salvatore (Toto) Riinanın (“Çırtdan”) nəzarətinə keçmişdi. Barəsində ilk axtarış elan olunduqdan keçən iyirmi il ərzində Proventsanonu hətta axtarmağa belə cəhd etməmişdilər. Amma, 1990-cı illərin əvvəlində italyan hakimiyyəti “Təmiz əllər” adlandırılan əməliyyata başladı bundan sonra ölkədə mafiya bosslarının həbs dalğaları başlandı. Həmin vaxt Proventsanonun da aktiv axtarışları başlanılmışdı.