Barter zamanı ƏDV əvəzləşməsi necə həyata keçirilir? (EDV)
Sual: Təsərrüafat fəaliyyətimiz zamanı bəzi hallarda, barter (yəni tərəfimizdən təqdim olunmuş malların dəyəri müqabilində qarşı tərəfdən bizə lazım olan digər malların alınması) əməliyyatları qaçılmaz olduğundan, bu əməliyyatlara görə, yəni debitor və kreditor borcların əsas məbləği ödənilməyərək qarşılıqlı qaydada əvəzləşdirilərkən həmin əməliyyatlara görə verilmiş elektron vergi hesab fakturaları üzrə ƏDV məbləğlərinin əvəzləşdirilməsinin mümkünlüyü barədə məlumat verilməsini Sizdən xahiş edirəm.
Cavab: Bildiririk ki, barter müqaviləsi əsasında əməliyyatlar aparılarkən, habelə debitor və kreditor borclarının əsas məbləği ödənilməyərək qarşılıqlı qaydada əvəzləşdirilərkən həmin əməliyyatlara görə verilmiş elektron vergi hesab-fakturaları üzrə ƏDV məbləğləri Əlavə Dəyər Vergisinin depozit hesabına nağdsız qaydada ödənildiyi halda həmin məbləğlər əvəzləşdirilir.
Əsas: Vergi Məcəlləsinin 175.1-ci və 176-cı maddələri.
Mənbə: taxes.gov.az
