2022-ci il üçün əməkhaqqı cədvəli – əməkhaqqıdan tutulmalar necə hesablanacaq?
Bildiyimiz kimi, 2022-ci il 1yanvar tarixindən əməkhaqqı tutulmalarında olacaq dəyişikliklər İcbari Tibbi sığorta məbləği ilə bağlıdır. İcbari Tibbi Sığorta üzrə hesablamalar aşağıdakı kimi olacaqdır:
- neft-qaz sahəsində fəaliyyəti olmayan və qeyri-dövlət sektoruna aid edilən sığortalı tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə 2022-ci ildən etibarən hesablanmış əməyin ödənişi fondunun 2 faizi (2021-ci ildə bu 1 % idi);
- neft-qaz sahəsində fəaliyyəti olmayan və qeyri-dövlət sektoruna aid edilən sığortaolunan tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, 8000 manatadək (8000 manat da daxil olmaqla) olan hissəsinin 2022-ci ildən etibarən 2 faizi (2021-ci ildə 1 faiz idi);
- neft-qaz sahəsində fəaliyyəti olan və dövlət sektoruna aid edilən sığortalı tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, hesablanmış əməyin ödənişi fondunun 2 faizi;
- neft-qaz sahəsində fəaliyyəti olan və dövlət sektoruna aid edilən sığortaolunan tərəfindən – işçinin əməkhaqqısının 8000 manatdan yuxarı olan hissəsinə 0,5 faiz tətbiq edilməklə, 8000 manatadək (8000 manat da daxil olmaqla) olan hissəsinin 2 faizi;
Bütün bunlar özlüyündə əməkhaqqının hesablanmasına öz təsirini göstərir. Məsələn, Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicisinin aylıq 500 manat əməkhaqqısı olan işçisinin 2021 və 2022-ci il üçün əməkhaqqıdan tutulmalarının müqayisəli şəkildə hesablanması aşağıdakı kimi olacaqdır:
| 2021 | 2022 | |
| Əməkhaqqı Məbləği | 500 | 500 |
| Gəlir vergisi (işçi tərəfindən) | 0 | 0 |
| Pensiya Fondu (işçi tərəfindən) | 36 | 36 |
| Pensiya Fondu (işəgötürən tərəfindən) | 89 | 89 |
| İşsizikdən Sığorta Haqqı (İşçi tərəfindən) | 2,5 | 2,5 |
| İşsizikdən Sığorta Haqqı (İşəgötürən tərəfindən) | 2,5 | 2,5 |
| İcbari Tibbi Sığorta Haqqı (İşçi tərəfindən) | 5 | 10 |
| İcbari Tibbi Sığorta Haqqı (İşəgötürən tərəfindən) | 5 | 10 |
| İşçinin aldığı net əməkhaqqı | 456,5 | 451,5 |
2022-ci il üçün Neft-qaz sahəsində fəaliyyəti olmayan və qeyri-dövlət sektoruna aid edilən və neft-qaz sahəsində fəaliyyəti olan və dövlət sektoruna aid edilən vergi ödəyiciləri üçün nümunəvi əməkhaqqı cədvəlini aşağıdakı linklərdən yükləyə bilərsiniz.
2022-ci il üçün Neft-qaz sahəsində fəaliyyəti olmayan və qeyri-dövlət sektoru üçün Əməkhaqqı cədvəli (2715 downloads )
2022-ci il üçün Neft-qaz sahəsində fəaliyyəti olan və dövlət sektoru üçün Əməkhaqqı cədvəli (958 downloads )
Müəllif: Ramin Ramazanov
Teleqram qrupumuza üzv olun
