Təbii inhisarçılıq problemləri İnstitutu (IPEM) Avropa İttifaqı ölkələrində karbon vergisinin tətbiq edilməsi planlaşdırıldığı üçün Rusiya şirkətlərinin mümkün zərərlərini öyrənib və onların bəzilərinin Avropa bazarlarından çəkiləcəyini proqnozlaşdıb. Bu haqda təşkilatın hesabatına əsasən “Vedomosti” nəşri xəbər verib.
Söhbət Aİ hakimiyyət orqanlarının 2025-ci ildən tətbiq etməyə hazırlaşdığı karbon vergisindən gedir. Bununla bağlı konsepsiya hələ hazırlanmayıb. Lakin həmin vergi Avropa ekoloji tələblərinin pozulması ilə istehsal olunan malların xarici istehsalçılarından tutulacaq. Bu yolla Brüssel regionda ekoloji vəziyyəti yaxşılaşdırmaq və zərərli tullantıların azaldılması üzrə böyük xərclər hesabına rəqabətə davam edən öz istehsalçılarını müdafiə etmək istəyir.
IPEM ekspertlərinin fikrincə, sözügedən vergi xarici istehsalçılara qarşı ayrı-seçkilik mənbəyi kimi xidmət edə bilər və onlarda əsassız xərclərə səbəb ola bilər. Belə şəraitdə – istehsal potensialının modernləşdirilməsi üçün vergi və ya xərclərin ödənilməsinə görə zərurət halında Rusiya şirkətlərinin ümumi əlavə xərcləri ildə 160 milyard rubl təşkil edə bilər.
Qeyd etmək lazımdır ki, Avropa bazarı Rusiya üçün son dərəcə vacibdir, çünki bu istiqamətdə karbon tutumlu məhsulların tədarükü bütün yerli ixrac strukturunda ən böyük paya malikdir. Bundan əlavə, Rusiya AB ölkələrinə bu cür malların pulla ifadədə tədarükündə liderdir.
Ekspertlər istisna etmirlər ki, hadisələrin daha mənfi inkişaf variantında bəzi Rusiya şirkətləri məhsulun maya dəyərinin kəskin şəkildə artması səbəbindən Avropa bazarında rəqabət qabiliyyətini itirə bilərlər və həmin bazarı tərk etmək məcburiyyətində qala bilərlər.
Teleqram qrupumuza üzv olun
