» » » Qaimə-faktura varsa, təhvil-təslim aktına ehtiyac varmı?

Qaimə-faktura varsa, təhvil-təslim aktına ehtiyac varmı?

posted in: Vergi, Xəbər | 0

Sual: Müəssisə tərəfindən satılan malın təhvil verilməsini təsdiq edən sənəd kimi qaimə-faktura alıcıya imza etdirilərsə malların təhvil qəbul aktı deyilən yanaşmaya ehtiyac varmı? Misal: online elektron qaimə verilir, həmin qaimə çap olunur, malın üzərində alıcıya malın təhvil sənədi kimi göndərilir. Satıcının əlavə olaraq malların təhvil qəbul aktı deyilən inzibati amirlik sisteminin qalığına ehtiyacı olmur. Yoxsa mütləq mal satışı zamanı 3-cü bir sənəd kimi o da yazılmalıdır?

Cavab: Bildiririk ki, fərdi sahibkarlara və hüquqi şəxslərə malları təqdim edən, işləri görən və xidmətləri göstərən şəxs onlara elektron qaimə-faktura verməlidir.

Digər tərəfdən, “Elektron qaimə-fakturanın formasının, tətbiqi, uçotu və istifadəsi Qaydaları”nda elektron qaimə-fakturanın tərtib edilməsi üçün əsas olan sənədlər, məsələn qəbzlər, çeklər, təhvil-təslim aktları, qaimələr və s. nəzərdə tutulur.

Bax: Vergi Məcəlləsinin 71-1-ci maddəsi, Nazirlər Kabinetinin 28 sentyabr 2009-cu il tarixli 156 nömrəli qərarı ilə təsdiq edilmiş Elektron vergi hesab-fakturalarının tətbiqi, uçotu və istifadə Qaydaları”.

Mənbə: www.taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published.