» » » Mühasiblər 2.6 milyon dolları oğurlamağa necə kömək etdilər??

Mühasiblər 2.6 milyon dolları oğurlamağa necə kömək etdilər??

posted in: Xəbər | 0

Rusiya dövlət əmlakının idarə olunması üzrə federal agentliyinin direktor müavini Yelena Patkina agentliyin hesablarından 150 milyon rubl (2 milyon 580 min ABŞ dolları) mənimsəməkdə şübhəli bilinir.

Hadisə barədə “Kommersant” nəşri məlumat verib. Qeyd edək ki, agentliyin direktor müavini bütün Rusiya üzrə torpaqla əlaqəli məsələlərə nəzarət edirdi.

Patkina pulları saxta şirkətlər vasitəsilə nağdlaşdıraraq əldə edib. Müstəntiqlər güman edirlər ki, bu işdə ona Rusiya dövlət əmlakının idarə olunması üzrə federal agentliyin Moskvaətrafı idarəsinin mühasibləri kömək ediblər. Hazırda onlar da həbs olunublar.

Hüquq-mühafizə orqanları Moskvadakı pul nağdlaşdırma meydançalarından birinin ləğv olunmasından sonra Patkinanın izinə düşüblər. Sahibkar Andrey Yujakovun (hazırda həbsdədir) rəhbərlik etdiyi cinayətkar qrupun xidmətlərindən Patkina və Rusiya əmlakını idarə edən agentliyin digər əməkdaşları da istifadə ediblərmiş.

Müstəntiqlər Patkinanın oğurluğun təşkilatçısı hesab edirlər və Moskvanın Tverskiy məhkəməsi onun barəsində iki aylıq həbs qəti-imkan tədbiri seçib. O, 150 milyon rubl pul mənimsəməkdə şübhəli bilinir.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published.