Mühasiblərin I Olimpiadasına start verildi.
Azərbaycan Respublikasının Prezidenti yanında Gənclər Fondunun maliyyə dəstəyi ilə Gənc Mühasiblər İctimai Birliyi tərəfindən Bakı və Gəncə şəhərlərində “Gənclərin Mühasibat üzrə I Olimpiadası” adlı layihənin həyata keçirilməsinə start verilmişdir.
Layihənin əsas məqsədi:
- Gənclərin mühasibatın öyrədilməsində analitik düşüncə tərzini yüksəltmək;
- Gənclərin bilik yarışmasını təşkil etmək;
- İntellektual qabiliyyətlərini və yaradıcılıqlarını aşkarlayaraq səmərəli qiymətləndirmə üsullarını təqdim etmək, stimullaşdırmaq;
- İstedadlı tələbələrə əlverişli şərait yaratmaq;
- Onların gələcəkdə təhsil inkişafını və professional istiqamətləndirilməsini təmin etmək;
- Gənclərin mühasibat sahəsində maarifləndirilməsini təşkil etmək.
Layihə çərçivəsində Bakı və Gəncə şəhərlərində gənclər üçün Mühasibat üzrə 1-ci olimpiadanın təşkil olunması, olimpiadada gənclərin bilik və bacarıqlarının artırılması üçün inteqrativ test tapşırıqlarının yerinə yetirilərək Münsiflər Heyəti tərəfindən qiymətləndirilməsi, “Mühasibatı öyrənək” adlı bukletlərin paylanılması nəzərdə tutulub.
Layihədə iştirak edə bilər:
- Bakı və Gəncə şəhərində yaş həddi 18-29 arası olan maliyyə və iqtisadiyyat yönümlü təhsil alan tələbələr.
Email: gmb_office@yahoo.com
Mənbə: Gənc Mühasiblər İctimai Birliyi.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.