2021-ci ilin sonlarında Avropada ən aşağı işsizlik səviyyəsi Çexiyada (orada işaxtaran sakinlərin payı 2,2 faiz təşkil edir) qeydə alınıb. İşsizlik səviyyəsinin ən yüksək olduğu ölkələr sırasında İspaniya (13,4 faiz) və Yunanıstanın (13,2 faiz) adları çəkilir, RİA Novosti agentliyinin tədqiqatlarında belə deyilir.
Polşa, Almaniya və Maltada kifayət qədər aşağı səviyyədə işsizlik qeyd olunub (3,5 faizdən çox deyil). Ukraynada bu, 9,6 faiz, İtaliyada 9,1 faiz, İsveçdə 8,3 faiz, Fransada 7,5 faiz səviyyəsində olub. Çexiyada işsizliyin səviyyəsi cədvəldə sonuncu yeri tutan İspaniya ilə müqayisədə demək olar ki, altı dəfə aşağıdır.
Rusiya 4,3 faiz göstərici ilə 2021-ci ilin sonu üçün reytinqdə doqquzuncu yerdə qərarlaşıb, bu göstərici Böyük Britaniya da demək olar ki, eyni səviyyədədir.