Blog Full

Yeni ideyaları, böyük hədəfləri olan kiçik sahibkarlar, artıq arzularınız əlçatandır.  Biznesimi necə böyüdüm? – sualı sizi də düşündürürsə Birbank Biznes-in bu təklifindən mütləq yararlanın. Bunun üçün sadəcə Birbank Biznes mobil tətbiqinə daxil olun və cəmi bir neçə kliklə pulunuz hesabınızda olsun.

Belə ki, Birbank Biznes, kredit götürmək və böyük planlarını vaxt itirmədən reallaşdırmaq istəyənlər üçün sərfəli şərtlərlə yeni kampaniyaya start verir. 31oktyabr tarixinədək bankdan mikro kredit alan müştərilər hər 10 000 manat kredit məbəği üçün cəmi 350 manat aylıq ödəniş edirlər.

Kampaniya Birbank Biznes mobil tətbiqindən rəsmiləşdirilən kreditlərə şamil edilir. Üstəlik  də heç bir komissiya ödəmədən.

Sifariş üçün: https://www.b-b.az/kqss

Sahibkarlığın inkişafına önəm verən Birbank Biznes Kapital Bank-ın əmtəə nişanı olaraq həm sahibkarların, həm də onların bizneslərinin inkişafına dəstək olur, biznes sahiblərinə innovativ və rahat məhsullar təqdim edir. Birbank Biznes müştərilərində suallar yaranarsa, onlara istənilən vaxt canlı çat vasitəsilə də dəstək göstərilir. Sahibkarlara vaxta qənaət etmək imkanı verən Birbank Biznes sistemi haqqında ətraflı məlumat üçün https://birbank.business/ saytına keçid edin və ya 896 məlumat mərkəzinə zəng edin.

2025-ci ildə iqtisadiyyat üzrə Nobel mükafatı laureatları kimlərdir?

İsveç Kral Elmlər Akademiyası yanında Nobel Mükafatı Komitəsi tərəfindən 2025-ci il üçün Alfred Nobelin xatirəsinə İqtisadi Elmlər üzrə “Sveriges Riksbank” mükafatının laureatları məlum olub.

“Nobelprize.org”a istinadən xəbər verilir ki, Joel Mokir, Filippe Aghion və Peter Houitt sözügedən sahə üzrə laureatlar elan edilib.

Onlar bu mükafata niyə layiq görülüblər?

Joel Mokir, Filippe Aghion və Peter Houittə “innovasiya əsaslı iqtisadi artımı izah etdiklərinə görə” mükafat təqdim edilib.

Mükafatın yarısı Joel Mokirə “texnoloji tərəqqi vasitəsilə davamlı artımın ilkin şərtlərini müəyyən etdiyinə görə”, digər yarısı isə Filippe Aghion və Peter Houittə “yaradıcı dağıdılma (creative destruction) vasitəsilə davamlı artım nəzəriyyəsinə görə” birgə verilir.

2024-cü ildə iqtisadiyyat üzrə Nobel mükafatına kimlər layiq görülmüşdü?

Xatırladaq ki, ötən il Nobelə Daron Əcəmoğlu, Saymon Conson və Ceyms A.Robinson sözügedən sahə üzrə 2024-cü ilin laureatları elan edilib.

Mənbə: apa.az

Aksiz və əlavə dəyər vergisi siyasətində dəyişikliklər ediləcək.

Maliyyə Nazirliyi tərəfindən hazırlanan 2026-2029-cu illəri əhatə edən Ortamüddətli Xərclər Çərçivəsində əksini tapıb.

Sənədə əsasən 2026-2029-cu illərdə sahibkarlıq fəaliyyətinin dəstəklənməsi və vergi yükünün azaldılması, o cümlədən neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərinin vergi yükünün optimallaşdırılması, nağdsız ödənişlərin stimullaşdırılması, kənd təsərrüfatı istehsalçılarına dəstəyin artırılması, vergi güzəştlərinin əhatə dairəsinin genişləndirilməsi, həmçinin aksiz və əlavə dəyər vergisi siyasətində dəyişikliklərin aparılması nəzərdə tutulub.

Balıqçılıq sahəsində dəstək mexanizmləri tətbiq ediləcək

Sənəddə həmçinin, əlverişli investisiya mühitinin yaradılması, xüsusilə balıqçılıq sahəsində dəstək mexanizmlərinin tətbiqi, dövlət-özəl tərəfdaşlığı çərçivəsində yerli istehsalın stimullaşdırılması, eləcə də daxildə istehsal olunan avtomobillərin satışına və onların idxalına dair vergi güzəştlərinin təkmilləşdirilməsi tədbirləri görüləcək.

Azad edilmiş ərazilərdə fəaliyyət göstərən subyektlərin rezidentlik statusu tənzimlənəcək

Eyni zamanda vergi və gömrük sahəsində inzibatçılığın təkmilləşdirilməsi, bu çərçivədə iqtisadi fəaliyyət sahələri üzrə təmir və amortizasiya xərclərinin uçotu mexanizminin təkmilləşdirilməsi, güzəşt mexanizmlərinin optimallaşdırılması, eləcədə işğaldan azad edilmiş ərazilərdə fəaliyyət göstərən təsərrüfat subyektlərinin rezidentlik statusunun tənzimlənməsi və müvafiq güzəştlərdən yararlanmasının təmin olunması tədbirləri görüləcək.

Mənbə: apa.az

/

Fiziki şəxslərin gəlir vergisi üzrə daxilolmalar optimallaşdırılır.

Bu Maliyyə Nazirliyi tərəfindən hazırlanan 2026-2029-cu illəri əhatə edən Ortamüddətli Xərclər Çərçivəsində əksini tapıb.

Məlumata görə, qeyri-neft sektoru üzrə ÜDM-də proqnozlaşdırılan artım, həmçinin kölgə iqtisadiyyatının səviyyəsinin azaldılması, fiziki şəxslərin gəlir vergisi üzrə daxilolmaların optimallaşdırılması, gəlirlərin leqallaşdırılması, elektron idarəetmənin iqtisadiyyatın əksər sahələrinin nüfuzunun artması nəticəsində şəffaflığın təmin edilməsi və nəzarətin güclənməsi növbəti illərdə büdcə gəlirlərinin tərkibində qeyri-neft-qaz gəlirlərinin payının genişlənməsinə səbəb olacaq.

Qeyd edək ki, növbəti il fiziki şəxslərin gəlir vergisi üzrə daxilolmaları 2 milyard 379.3 milyon manat, 2027-ci ildə 2 milyard 840 milyon manat, 2028-ci ildə 3 milyard 87 milyon manat, 3 milyard 350 milyon manat proqnozlaşdırılır.

Əlavə edək ki, bu vergi fiziki şəxslərin müxtəlif mənbələrdən əldə etdikləri gəlirlərdən tutulur və onun ödəyicilərinin dairəsi kifayət qədər genişdir. Belə ki, muzdlu işdən (əmək haqqı, mükafat və bonuslardan), sahibkarlıq və qeyri-sahibkarlıq fəaliyyətdən, icarə haqlarından (kirayə gəlirləri), dividendlərdən və faizlərdən, royalti əmlakın (məsələn, mənzil, torpaq və ya obyektin) satışından qazanc əldə edildikdə və həmçinin yarışlar, lotereyalar, müsabiqələr kimi təsadüfi gəlirlərdən — bütün bu mənbələrdə fiziki şəxslər gəlir vergisi ödəməli olurlar.

Mənbə: apa.az